|
SubscriptionsSites I Read
|
|
|
|
| 哇~牛年到啦~Miss Con祝各位型男美女身體健康,袋袋平安~~~^^ *v*v*v*v*v*v*v*v*v*v*v*v*v*v*v*Miss Con @ 2009年1月26日*v*v*v*v*v*v*v*v*v*v*v*v*v*v*v*v*v* 要身體健康,除左要有病醫病,無病要強壯身體之餘,預防亦都好緊要架~好似我地要預防性病咁,除左要識得保護自己,搞野要戴套之餘,覺得自己或者伴侶有d咩唔妥就要睇下醫生問清楚啦~有好多人都會好驚睇/驗性病,一黎驚尷尬,好難講出口;二黎驚自己真係驗到有唔知點算;而且亦都唔知可以去邊度驗/睇~其實我覺得衛生署轄下的社會衛生科診所都係一個幾好ge驗性病ge地方~一黎佢有免費ge性病檢查畀香港市民;而且個診所除左會睇性病之外,仲會有睇埋皮膚病,所以上去睇ge時候都唔使驚尷尬會畀人知係睇性病~同埋其實任何病都係及早醫係會易d醫得好架,而且個病亦都唔會因為你唔去驗而自己好返架~ | | |
| 
現袋性教育同學仔, 你地好嗎? 早前兩個月我地比地政署殺校，所以無得喺旺角新之城開班! 不過幾經努力嘅爭取，我地終於番來啦! 大家得閒就過黎探下我地，上下性教育補習班啦! 我地仲有免費安全套提供比有需要嘅同學仔!! 開班日子如下: 1 月12日( Mon) 3pm-630pm 1月13日 (Tue) 3pm-630pm 2 月4日 (Wed) 3pm-630pm 2月11日 (Wed) 3pm-630pm 2月25日 (Wed) 3pm-630pm 地點: 旺角新之城對出地鐡站口 有問題，請打2898-4411搵校務署嘅伍姑娘 | | |
| 逾千同志巡遊脫衣舞助興 【 本 報 訊 】 逾 千 人 無 懼 世 俗 眼 光 ， 在 象 徵 多 元 價 值 的 彩 虹 旗 幟 下 走 上 街 頭 ， 參 加 香 港 首 個 同 志 嘉 年 華 式 遊 行 ， 氣 氛 熱 烈 ， 有 男 同 志 情 不 自 禁 地 手 拖 手 ， 甚 至 擁 吻 ， 亦 有 人 大 跳 脫 衣 舞 助 興 。 主 辦 單 位 指 ， 希 望 本 港 倣 效 泰 國 及 台 灣 舉 行 大 規 模 同 志 遊 行 ， 吸 引 海 外 人 士 參 加 ， 帶 動 本 地 旅 遊 業 。 遊 行 隊 伍 首 先 由 銅 鑼 灣 記 利 佐 治 街 集 合 ， 他 們 高 舉 巨 型 彩 虹 旗 幟 ， 然 後 浩 浩 蕩 蕩 出 發 ， 沿 途 叫 喊 「 驕 傲 愛 上 街 ！ 」 、 「 社 會 撐 同 志 ！ 」 等 口 號 ， 有 男 同 志 打 扮 成 修 女 ， 寓 意 神 愛 世 人 ， 不 論 其 性 取 向 。 遊 行 宣 言 : 「 今 天 ， 我 們 驕 傲 上 街 ， 無 懼 針 對 我 們 的 歧 視 與 偏 見 ， 我 們 爭 取 一 個 公 義 社 會 、 一 個 尊 重 多 元 家 庭 價 值 的 社 會 。 」 Reference: http://orientaldaily.on.cc/odnmain/index.html 愛係無性別界限的~每個人都有表達愛ge權利ge~點解表達對同性ge愛就唔得呢?一對男女系街度拖手擁吻就無問題,仲好溫馨好sweet;但係如果一對男男/女女系街度拖手擁吻就要畀人"斜睥"同"隔離"咁.唔通個人喜好都要被限制,被歧視?...... ~~~Miss Con~~~ | | |
| 思考去向 最近睇咩新聞都見到倪震果單偷歡事件,睇到之後即時替周慧敏唔抵啦!>.<唔係呀嘛,係周慧敏woo,又靚女又斯文,又溫柔體貼,真係覺得佢正到不得了!倪震有個咁好ge女朋友竟然仲同個不知名ge女仔激吻(可能佢只係覺得係交際禮儀,只不過咁唔好彩畀人影到又或者佢根本唔知自己做緊咩啦)?!不過最唔抵係覺得呢段係大家付出左20年青春一齊經營左20年ge感情woo,到最後竟然會變成咁,好可惜呢! 不過呢d始終都係佢地2個人ge感情事,外人唔知咁多都唔方便講太多.其他人一句"下次唔會架啦,你原諒佢啦"或者"分手啦,你條件咁好,唔怕搵唔到第二個啦",可以講得好簡單,因為唔係當事人,唔需要負咩責任呀嘛.但係我覺得對於當事人已經唔再係諗做得岩或錯要原諒定唔原諒ge分別,而係一個好好ge機會諗下大家要d咩~你係想要穩定,平淡但係可能會少d新鮮感,刺激ge感情,定係都係比較鐘意新鮮感,激情但係唔穩固ge感情呢? MISS CON | | |
|
 Reference:http://blog.iset.com.tw/comborice/ 最近友人介紹左一套台劇叫我睇,套台劇叫“無敵珊寶妹”呀~
套劇入面係講一個好普通ge女仔的愛情故事ge~劇入面ge呢個女仔(佢叫珊寶呀)係一個平胸ge女仔~為左令自己個胸大,
珊寶諗左個好搞笑ge方法去豐胸!哈哈,估唔估到係咩呢?就係用拔罐啦!
呢招“拔胸助長”真係創意十足啦!其實我睇套劇ge時候都覺得呢個辦法好似幾work,
同埋幾有理論性架,利用拔罐ge吸力吸大個胸,不過可能會有d“下垂” lor!
咁當然事實上梗係唔得啦! 但事實上呢個方法係唔得ge~其實珊寶ge心態同好多人都好似,感覺上好似得就會好踴躍咁去嘗試
勇於嘗試唔係話唔好,不過都要睇下係邊方面~
好似好多年青人都會m完後1-2日做愛唔戴套避孕,覺得岩岩黎完m,
唔會咁快排下個月果粒卵子出黎,咁d精子就唔會同到卵子相遇,咁就一定唔會有bb啦!
理論上,m完之後做,有bb ge機會係會低少少ge.
不過實際上個女仔係唔會feel到粒卵幾時排出黎,亦都唔可以控制到唔排粒卵出黎住架嘛~
所以如果粒卵子早左排出黎,而d精子又咁岩同佢相遇ge話,一樣係會有有bb ge機會!所以其實好多理論上好似得ge野,事實上或者“感性上”都未必得ge~ MISS CON | | |
|
|
